१९ कार्तिक २०८० ०८:१९
१९ कार्तिक २०८० ०८:१९
वासिंगटन डिसी, १८ कार्तिक । गाजामा मानवीय अवस्था बिग्रँदै गएपछि इजरायल र हमासबीचको शत्रुतामा युद्ध विरामको लागि आह्वान गर्दै शनिवार वासिङ्टन, डिसी र युरोपका प्रमुख सहरहरूमा हजारौँ प्रदर्शनकारीले जुलुस निकालेका छन्। अमेरिकाको सङ्घीय राजधानी वासिङ्टन, डिसीमा प्यालेस्टाइन समर्थक प्रदर्शनकारीहरूको भीड शनिवार दिउँसो संयुक्त राज्य अमेरिकाको राजधानीको ‘फ्रिडम प्लाजा’ मा भरिएको थियो । सो क्रममा प्रदर्शनकारीका तर्फबाट बोल्दै वक्ताहरूले गाजामा युद्ध विराम र इजरायललाई अमेरिकी सहयोग अन्त्य गर्नका लागि सार्वजनिक रूपमा आह्वान गरेका थिए । नेशनल मल र ह्वाइट हाउस नजिकै रहेको फ्रिडम प्लाजा रातो, हरियो र कालो पहिरन र प्यालेस्टिनी झन्डा फहराउने नाराबाजी गर्ने प्रदर्शनकारीहरूले भरिएको थियो । कार्यक्रम आयोजकहरूले…
