जाजरकोट । नेकपा (एमाले) रुकुमपश्चिमको अध्यक्षमा पुनः नन्दराम देवकोटा सर्वसम्मत चयन भएका छन । सोमबार सम्पन्न एमाले रुकुम पश्चिमको नवौँ जिल्ला अधिवेशनबाट देवकोटासँगै ६१ सदस्यीय जिल्ला कमिटी सर्वसम्मत चयन भएको हो ।
अधिवेशनबाट उपाध्यक्षमा मनवीर घर्ती र सचिवमा शशिराम नेपाली चयन भएका छन । अध्यक्ष देवकोटा, उपाध्यक्ष घर्ती र सचिव देवकोटा यस अघि पनि सोही पदमा नै थिए । अधिवेशनबाट उपसचिवमा तिलक बस्नेत र ब्युझना पुन देवकोटा चयन भएका हुन ।
एमाले रुकुमपश्चिमको नवौँ जिल्ला अधिवेशन १६ गते उद्घाटन भई १७ गतेदेखि बन्द सत्र सुरु भएको थियो । सहमतिबाट नै नेतृत्व चयनका लागि भएको छलफल लम्बिएपछि सोमबार पदाधिकारी र सदस्यहरू सर्वसम्मत चयन भएको हो । यसैगरी, अधिनेवशनले लेखा आयोगको सचिवमा कृष्णभक्त ओलीलाई चयन गरेको छ ।
