बैंकक, १७ असोज । राजधानी सहरको मध्य भागमा रहेको लक्जरी सपिङ मलमा भएको गोली काण्डमा दुई जनाको मृत्यु भएको छ । सो हत्याकाण्डमा परी थप पाँच जना घाइते भएपछि एक १४ वर्षीय बालकलाई पक्राउ गरिएको प्रहरीले जनाएको छ ।
गोली बारी सहरको सबैभन्दा प्रसिद्ध किनमेल केन्द्रहरू मध्ये एक सियाम प्यारागनमा भएको थियो। यसरी मारिनेहरू चीन र म्यानमारका नागरिक थिए, थाइल्यान्डका प्रहरी प्रमुखले भने।
पक्राउ परेका सन्दिग्ध जसको मनसाय अस्पष्ट देखिएको छ । सो गोली काण्ड पछि प्रहरी अधिकारीहरू समक्ष आत्मसमर्पण गरेका थिए, जतिखेर उनको हातमा एक ह्यान्डगन थियो, प्रहरीले भने।
सो घटनामा घाइते भएका अन्य पाँच जनामा एक लाओस्, एक चिनियाँ र तीन थाई नागरिक घाइते भएका थिए । मारिनेमा एक जना चिनियाँ र अर्को मलमा काम गर्ने बर्मेली रहेको राष्ट्रिय प्रहरी प्रमुख तोर्साक सुकभिमोलले पत्रकार सम्मेलनमा बताए ।
सिसिटिभी फुटेजमा सियाम प्यारागन मल भित्र पसलहरू बाहिर निस्कन दौडिरहेको देखिएको देखिएको छ, जब उनीहरूले धेरै गोली चलेको सुनेका थिए भने कोलाहल भागदाैड मच्चिएको थियो ।
स्थानीय समय अनुसार साँझ ५ः१० बजे पुलिस घटनास्थलमा आइपुग्दा र आक्रमणकारीलाई निःशस्त्र गर्न सक्षम हुँदा त्यति बेलासम्म धेरै मानिसहरूलाई चोट लागिसकेको थियो। बैंककको यस भिडभाड भागबाट एम्बुलेन्सहरू निकाल्न पनि एक घण्टा भन्दा बढी समय लागेको थियो, ट्राफिक छिचोल्दै पीडितहरूलाई अस्पताल पुर्याएको थियो ।
आरोपित किशोरलाई पाथुमवन प्रहरी चौकीमा राखिएको छ ।
