सुर्खेत । हिजो (कार्तिक ९) देखि सुरू भएको प्रिमियर लिग (एनपिएल) मा आज दुई खेल हुँदैछन।
त्रिवि मैदान कीर्तिपुरमा मध्याह्न साढे १२ बजे पहिलो खेलमा विराटनगर किंग्स र चितवन राइनोज भिड्दैछन्।
राष्ट्रिय टोलीका कप्तान सन्दीप लामिछानेको कप्तानीमा रहेको विराटनगर विराटनगर किंग्समा आन्द्रे रसेल, एन्जेलो म्याथ्युज र चरिथ असलंकाजस्ता विदेशी खेलाडी छन्।
अघिल्लो सिजनमा विराटनगर किंग्स दोस्रो क्वालिफायरसम्म पुगेको थियो।
पहिलो क्वालिफायरलमा सुदूरपश्चिम र दोस्रो क्वालिफायरमा लुम्बिनीसँग पराजित भएपछि फाइनल खेल्न पाएन।
चितवन राइनोज अघिल्लो सिजनमा प्लेअफ नपुगी बाहिरिएको थियो। यसपालि चितवनमा सिकन्दर राजा र रवि बोपाराजस्ता अनुभवी विदेशी खेलाडी छन्।
त्यसैगरी अपराह्न साढे ४ बजे हुने दोश्रो खेलमा कर्णाली याक्सले जनकपुर बोल्ट्ससँग खेल्नेछ ।
जनकपुर पहिलो सिजनको विजेता हो। दोस्रो सिजनमा भने उ प्लेअफ नै नपुगी बाहिरिएको थियो।
जनकपुरमा मोइन अली, जिमी निसम र इफ्तिखार अहमदजस्ता विदेशी खेलाडी छन्। भने कर्णाली याक्समा डेभिड मिलर, साहिबजादा फरहान र हुसेन तलत लगायतका विदेशी खेलाडी छन्।
हिजोको उद्घाटन खेलमा लुम्बिनी लायन्सले सुदूरपश्चिम रोएल्सलाई ७ विकेटले हराएको थियो ।
