कात्तिक २७, काठमाडौँ । सामाजिक सञ्जाल सञ्चालनसम्बन्धी निर्देशिका स्वीकृत गरेको चार दिन पछि सरकारले टिकटकमाथि प्रतिबन्ध लगाएको छ ।
सामाजिक सञ्जालको प्रयोगलाई मर्यादित बनाउने भन्दै निर्देशिका ल्याएको सरकारले त्यसको कार्यान्वयन प्रक्रिया सुरु नगरी टिकटक प्रतिबन्ध गरेको हो ।
टिकटक प्रतिबन्धको निर्णयको पक्ष र विपक्ष दुबैथरि मत सार्वजनिक भएका छन् । राजनीतिक दलका कतिपय नेताहरुले टिकटक माथि प्रतिबन्धको विपक्षमा धारणा राखेका छन् ।
उनीहरुले टिकटकलाई मर्यादित बनाउन सरकारले नियम बनाउनुपर्नेमा प्रतिबन्ध लगाउनु उचित नहुने धारणा राखेका छन् । अन्य दलभित्रका नेताहरुको पनि फरक फरक धारणा आएको छ ।
टिकटक बन्द गर्ने सरकारो निर्णयमा सामाजिक सञ्जाल प्रयोगकर्ताहरुले पनि मिश्रित प्रतिक्रिया जनाएका छन् ।
कतिपयले भने टिकटक प्रतिबन्ध लगाउनु अभिव्यक्ति स्वतन्त्रता माथी नै बन्देज लगाउनु भएको भन्दै बिरोध गरेका छन् ।सरकारमा रहेका दलका नेताहरुले नै टिकटक बन्द गर्ने सरकारको निर्णयको बिरोध गरेका छन् ।
यलाइ व्यवस्थित तरिकाले चलाउनुको साटोमा बन्दै गर्ने निर्णय लिनु गलत भएको कतिपयको टिप्पणी रहेको छ । सरकारले टिकटक बन्द गर्ने निर्णय गरेको भएपनि कार्यान्वयन हुन भने कठिन नै देखिन्छ ।
नेपालीहरुको बीचमा टिकटक लोकप्रिय छ । तर जथाभावी र मनलाग्दी तरिकाले कन्टेन्ट हालेको र यसले सामाजिक सद्भाव नै बिथोलेको भन्दै सरकारले रोक लगाउन खोजेको हो ।
