सुर्खेत । जाजरकोटकी संगीता शाह अनेरास्ववियुको कान्छी प्रदेश कमिटी सदस्य बनेकी छन । ७ र ८ माघमा दैलेखमा सम्पन्न अनेरास्ववियुको कर्णाली प्रदेशको प्रथम अधिवेशनबाट उनी प्रदेश कमिटी सदस्यमा सर्वसम्मत निर्वाचित भएकी हुन ।
१६ वर्षीया संगीता देशकै कान्छी प्रदेश कमिटी सदस्य भएको अनेरास्ववियुका केन्द्रीय सचिव सन्जिव धितालले जानकारी दिए । संगठनका कर्णाली प्रदेश इन्चार्ज समेत रहेका धितालले उनको क्षमता र सक्रियताले उमेर सानो भएपनि उक्त जिम्मेवारी दिइएको बताए ।
उनि यसअघि अनेरास्ववियु भेरी नगर कमिटी उपाध्यक्षको जिम्मेवारीमा रहेकी थिइन ।
