जाजरकोट । झोलुङ्गे पुलबाट लडेर नलगाडका एक युवकको ज्यान गएको छ ।
नलगाड नगरपालिका ५ ऐरारीका २८ वर्षिय राज कुमार शाहीको बारेकोट गाउँपालिका ५ लैखम र नलगाड नगरपालिका ५ सिर्केज्यूला जोड्ने नलगाड खोलामा बनेको झोलुङ्गे पुलबाट लडेर मृत्यु भएको हो । दल्लीमा भईरहेको राष्ट्रपति रनिङ शिल्ड हेरेर घर फर्कने क्रममा शाही जिर्ण अवस्थामा रहेको झुलुङ्गे पुलमाथि राखिएको काठ चिप्लिएर खोलामा खसेका थिए ।
टाउको र शरिरको भित्री भागमा चोट लागेर गम्भिर घाइते भएका उनको दल्लीमा सामान्य उपचारपछि थप उपाचारको लागि नेपालगञ्ज तर्फ पठाईएकोमा बाटोमा नै मृत्यु भएको जिल्ला प्रहरी कार्यालय जाजरकोटले जनाएको छ ।
