डोल्पा । प्रेस चौतारी नेपाल, डोल्पाको पाँचौ जिल्ला अधिवेशन सम्पन्न भएको छ । जिल्ला सदरमुकाम दुनै बजारमा सम्पन्न अधिवेशनले प्रेम थापाको अध्यक्षतामा १५ सदस्यीय नयाँ जिल्ला कार्यसमिति सर्वसम्मत निर्वाचित गरेको छ ।
जसको उपाध्यक्षमा मेनुका बुढा, सचिवमा गायत्री शाही, उपसचिवमा दावा ग्याल्बो बैजी र कोषाध्यमा पुर्ण बोहोरा रहेका छन । यस्तै अधिवेशनले संगठनको प्रदेश प्रतिनिधिमा जुनु हिराचन, केन्द्रीय प्रतिनिधिमा रुपलाल बोहोरा, मन कुमारी हिराचनलाई छनौट गरेको छ ।
अधिवेशनको उद्घाटनमा नेकपा एमाले केन्द्रीय सदस्य तथा डोल्पा इन्जार्ज पदमी बोहोरा (बुढा), पार्टी प्रदेश कमिटी सदस्यहरु बिष्णु बहादुर रोकाया,चन्द्रा कुमारी बुढा, जिल्ला पार्टी सचिव लंक बहादुर रोकाया, प्रेस चौतारी नेपाल पूर्व केन्द्रीय सदस्य बिष्णुलाल बुढा सहितका नेताहरुको सहभागिता रहेको प्रेस चौतारी नेपाल, डोल्पाले जनाएको छ ।
