बारेकोट । नेकपा एमालेका युवा नेता नरबहादुर बस्नेत (एनवि) को पहलमा बारेकोटका ८० जना बालबालिकालाई न्यानो कपडा वितरण गरिएको छ ।
एमाले जिल्ला कमिटी उपसचिव समेत रहेका नेता बस्नेतको पहलमा बिगनहर्ता नामक संस्थाले पठाएको न्यानो कपडा जाजरकोट भूकम्पको इपिसेन्टर रहेको बारेकोटका ८० जना बालकालिकालाई वितरण गरिएको हो ।
जिल्ला खेलकुद विकास समितिका अध्यक्ष समेत रहेका बस्नेत आफै पुगेर बारेकोट गाउँपालिका ४ जिरीको नौमुले प्राथमिक विद्यालयमा अध्ययनरत ८० जना बालबालिकालाई ज्याकेट वितरण गरेका हुन ।
हालसम्म कतैबाट पनि सहयोग नपाएको जाजरकोट र जुम्लाको सिमानामा रहेको साे विद्यालयमा पुगेर शिक्षक र अभिभावकहरुको उपस्थितिमा न्यानो कपडा वितरण गरिएको नेता बस्नेतले जानकारी दिए । न्यानो कपडा पाएपछि बालबालिका खुसी भएका छन ।
