जाजरकोट । जाजरकोटका उच्च भू-भागमा विहिबार बिहानैदेखि हिमपात भएको छ । हरेक वर्ष हिउँदमा हिमपात हुने जिल्लाका विभिन्न क्षेत्रमा यस वर्ष ढिलोगरी हिउँ परेको हो ।
सदरमुकाम खलंगा सहित जिल्लाभर पानी परिरहेको छ भने जिल्लाको बारेकोट, कुशे, जुनिचाँदेका उच्च भू-भागहरुमा करिब आधा फिट हिउँ जमेको छ । हिमपात भएपछि हिउँदे बाली लगायर आकाशे पानीको पर्खाइमा रहेका किसान भने खुसी भएका छन । ढिलागरी भएपनि हिमपात भएपछि किसानहरूलाइ राहत भएको बारेकोट गाउँपालिमा-४ का स्थानीय बासिन्दा लोकेन्द्र सिंहले बताए ।
यो वर्षकै हिउँदेयामको पहिलो हिमपात हो । विभिन्न क्षेत्रमा अहिले हिमपात जारी छ । माघ महिना सकिन लाग्दा पनि हिउँ नपरेपछि खडेरी पर्ने हाेकी भन्ने किसानहरू चिन्तामा थिए । जौ र गहुँ बाली लगाएका किसानलाइ राहत भएकाे छ । हिमपातले निकै चिसो बढेको छ । निरन्तर हिमपातले भूकम्प पीडितहरूको जनिजवन भने कष्टकर बनेको छ ।
भूकम्पका कारण घर भत्किएर त्रिपाल र अस्थायी टहरामा बसीरहेका नागरिकलाइ हिमपात र वर्षादले निकै समस्या भएकाे बारेकोट ३ का प्रकाश बाेहराले बताए । हिमपातले पशुचौपाय लगाएत सुत्केरी महिला, बृद्ध तथा बालबच्चाहरुलाई निकै समस्या भएको बाेहराको भनाइ छ ।
