जाजरकोट । रोजगारीको लागि भारत गएका जाजरकोटका २ जनाको करेन्ट लागेर मृत्यु भएको छ ।
जिल्लाको भेरी नगरपालिका ६ भेरेका ५९ वर्षीय गोरख थापा र उनका ३१ वर्षीय छोरा सुनिल थापाको करेन्ट लागेर मृत्यु भएको स्थानीय नरेश घर्तीले जानकारी दिए ।
उनीहरु कमाइ गर्न तिहारपछि भारत गएका थिए । भारतको हिमाचल प्रदेशको कोटखाइ भन्ने ठाँउमा सोमबार राती करेन्ट लागेर उनीहरुको घटनास्थलमै ज्यान गएको बताइएको छ ।
