रुकुम पश्चिम । अनेरास्ववियु कर्णाली प्रदेश कमिटीले आयोजना गरेको मावि स्तरीय हाजिरीजवाफ प्रतियोगितामा जाजरकोट भेरी नगरपलिका ३ को त्रिभुवन मावि प्रथम भएको छ ।
रुकुमका कम्युनिष्ट संस्थापक नेता सहिद यदु गौतमको २५ औं स्मृतिमा अनेरास्ववियुद्धारा आयोजित मावि स्तरीय हाजिरीजवाफ प्रतियोगितामा त्रिभुवन माविका विद्यार्थीहरुले प्रथम स्थान हासिल गरेका हुन । प्रतियोगितामा रुकुम पश्चिमको हिमालय मावि खोलागाउँले द्धितीय स्थान हासिल गरेको छ भने, सल्यानको जनज्योति मावि फारुलाले तृतीय स्थान प्राप्त गरेको छ ।
रुकुम पश्चिमको चौरजहारी नगरपालिका ११ खोलागाउँ स्थित हिमालय माविमा सम्पन्न वक्तृत्वकला प्रतियोगितामा राप्ती ज्ञानुदय मावि सिम्लि रुकुम पश्चिमकी हिरा कुसारी प्रथम भएकी छन । त्यस्तैगरी हिमालय मावि खोलागाउँका महेन्द्र केसी द्धितीय भएको अनेरास्ववियु कर्णाली प्रदेश कमिटीका अधयक्ष राजेश वलीले जानकारी दिए ।
कार्यक्रम अध्यक्ष ओली सिहत प्रदेश कमिटीका पदाधिकारीहरु, नेकपा एमाले रुकुम पश्चिम जिल्ला कमिटीका अध्यक्ष नन्दलाल देवकोटा अनेरास्ववियु स्थायी कमिटी सदस्य रेखा थापा, केन्द्रीय सदस्यहरु प्रकाश खड्का, दिनेश गौतम, प्रेस चौतारी नेपालका केन्द्रीय सदस्य तथा जाजरकोट जिल्ला इन्चार्ज भरत शर्मा, राष्ट्रिय युवा संघ नेपालका केन्द्रीय सदस्य लगायतका नेताहरुको सहभागिता रहेको अध्यक्ष ओलीले बताए ।
विद्यार्थीिहरुको श्रृजनशिलताको विकास होस भन्ने उद्देश्यले उक्त कार्यक्रमको आयोजना गरिएको अध्यक्ष ओलिको भनाई छ । कार्यक्रमको उद्घाटनमा सहिद यदु गौतमको फोटोमा अविरावरण गरि सम्मान गरिएको थियो ।
