सुर्खेत । अनेरास्ववियु कर्णाली प्रदेश कमिटीले आयोजना गरेको स्लो बाइक रेस प्रतियोगिताको उपाधी प्रकाश जिसीले जितेका छन । सुर्खेत बहुमुखी क्याम्पस परिसरमा सम्पन्न प्रतियोगितामा जिसी प्रथम भएका हुन ।
४० जना सहभागीहरूका बीच प्रतिस्पर्धा भएको उक्त प्रतियोगितामा रबिन्द्र सापकोटा उपविजेता बनेको संगठनका प्रदेश कमिटी उपाध्यक्ष बिबस भारतीले जानकारी दिए । उपाध्यक्ष भारतीका अनुसार प्रतियोगितामा विजेता र उपविजेतालाई क्रमशः १० हजार र ५ हजार नगद सहित पुरस्कृत गरिएको छ ।
उपाध्यक्ष बिबस भारतीको अध्यक्षतामा सम्पन्न उक्त कार्यक्रममा पार्टी केन्द्रीय सदस्य एवम् कालिकोट जिल्ला इन्चार्ज नवराज रावत लगायतका नेताहरुको सहभागिता रहेको थियो । सुजुकी कर्णालीले प्रतियोगिताको सहआयोजना गरेको थियो ।
