सुर्खेत । नेकपा एमालेले कर्णाली प्रदेश अन्तरगतका जिल्लाहरुको अधिवेशन चैत महिनाभित्रै सम्पन्न गर्ने भएको छ । गत असोजमा प्रदेशको अधिवेशन सम्पन्न गरेको एमालेले चैत महिनाभित्र १० वटै जिल्लाका अधिवेशनहरु सम्पन्न गर्ने भएको हो ।
मुगु र दैलेख जिल्लाले अधिवेशन सम्पन्न गरिसकेको र जुम्लाले चैत ६ गतेको बैठकबाट अधिवेशनको मिति तय गर्ने केन्द्रीय सदस्य निरज आचार्यले जानकारी दिए । केन्द्रीय सदस्य आचार्यका अनुसार एमाले सुर्खेतले यहि चैत्र ८,९ र १० जिल्ला अधिवेशन गर्ने भएको छ ।
त्यसैगरी रुकुमपश्चिमले चैत्र १६ र १७ जिल्ला अधिवेशन गर्ने छ भने सल्यानले चैत १८, १९ र २० तथा कालिकोटले चैत्र २१, २२ र २३ अधिवेशनको मिति तय गरेको छ । डोल्पाले चैत्र २३ र २४ जिल्ला अधिवेशन गर्ने भएको छ भने जाजरकोटले चैत्र २५,२६ र २७ मा अधिवेशन गर्ने भएको छ । त्यसैगरी हुम्लाले चैत्र २८ र २९ मा अधिवेशन गर्नेगरी मिति तय गरेको छ ।
जिल्ला अधिवेशन सम्पन्न गरेका जिल्लाहरुले पालिका अधिवेशनहरु गरिरहेको नेता आचार्यले बताए । पालिका अधिवेशनहरु पछि वडा अधिवेशन गर्ने तयारी रहेको नेता आचार्यको भनाई छ ।
