जाजरकोट । नेकपा (एमाले) जाजरकोटको अध्यक्षमा नरेन्द्र कुमार शाही निर्वाचित भएका छन । निवर्तमान अध्यक्ष खिमबहादुर शाहीलाई ८ मत अन्तरले पराजित गर्दै शाही अध्यक्षमा निर्वाचित भएका हुन ।
निर्वाचित शाहीले १९४ प्राप्त गर्दा पराजित भएका शाहीले १८६ मत पाएका थिए । उपाध्यक्षमा विश्वविक्रम शाह विजयी भएका छन । शाहले १८२ मत प्राप्त गरेका छन भने उनका प्रतिस्पर्धी मोतिलाल ओलीले १७५ मत प्राप्त गरेका गरे । त्यसैगरी सचिवमा १८८ मत प्राप्त गरी गोपाल बहादुर नेपाली निर्वाचित भएका छन । उनका प्रतिस्पर्धी नरबहादुर बस्नेत (एनबी) लाई १७ मत अन्तरले पछि पार्दै नेपाली विजयी भएका हुन । बस्नेतले १७१ मत प्राप्त गरेका छन ।
उपसचिवमा तप्तबहादुर हमाल विजयी भएका छन । उनका प्रतिस्पर्धी भक्तबहादुर बस्नेतलाई पछि पार्दै हमाल विजयी भएका हुन । हमालले १८१ मत प्राप्त गर्दा बस्नेतले १५७ मत प्राप्त गरेका छन ।
महिला उपसचिवमा सुनिता बोहरा विजयी भएकी छन । उनका प्रतिस्पर्धी हरिकला जैसीलाई पराजित गर्दै बोहरा निर्वाचित भएकी हुन । बोहराले १९३ मत प्राप्त गर्दा जैसीले १५१ मत प्राप्त गरिन ।
पदाधिकारीहरुको मत गणना सकिएको र हअिले सदस्यहरुको मत गणना भईरहेको निर्वाचन कमिटीले जनाएको छ । एमाले जाजरकोटको सातौं जिल्ला अधिवेशनमा ४०४ प्रतिनिधी छनौट भएका थिए । त्यसमध्ये ३९७ मत खसेको थियो ।
