मेरो बस्तिमा सधै हुरी आउँछ, टहरा लिएर राजधानी सम्म जान्छ,
तिमिलाइ यो भन्दा अरु के सुनाउ बेला(बेलामा पीडा थपेर भूकम्प जान्छ ।
नयाँ बर्ष फेरिनु अब तिमि फेरिनु मेरो लागि कुनै नौलो कुरा होइन,
मैले खुसी मनाउनु पर्ने कुरा त जीन्दगी भर दुख हेर्दा हेर्दै उमङ्ग जान्छ ।
हरेक दिन, हरेक रात पासपोर्ट समाएर, झण्डा ओढेर बेरोजगार सन्तान,
यहि आकाशको बाटो हुँदै गुलामी गर्न अर्काको देश सङ्ग जान्छ ।
जस्ले सरकारको विषयमा आलोचना गर्दै, आवाज उठाउँछ सडकमा,
बरु बन्दुक चलाएर गोली फाल्दिनुहोस तपाईको लागि दुर्गन्ध जान्छ ।
– पुष्कर पराग चन्द
भेरी नगरपालिका ५, जाजरकोट
