जाजरकोट । जाजरकोटको भेरी ज्ञानोदय क्याम्पसको स्वतन्त्र विद्यार्थी युनियन (स्ववियु) ले विद्यार्थीलाई आएको राहत रकममा बेइमानी गरेको पाइएको छ । गत कात्तिक १७ गते जिल्लाको रामीडाँडा केन्द्रविन्दु बनाएर गएको भूकम्पबाट प्रभावित भएका विद्यार्थीहरुका लागि जिपि कोइराला मेमोरियल क्लेज काठ्माडौंंले पठाएको राहत रकम स्ववियुले अनेत्रै खर्च गरेको पाइएको हो ।
क्याम्पसमा अध्ययनरत भूकम्प पीडित विद्यार्थीका लागि आएको ५ लाख राहत रकम स्ववियुले आफ्नो कार्यकक्ष निर्माणमा खर्च गरेको भेटिएको छ । भूकम्प गएको ७ महिना बितिसक्दा पनि क्याम्पसले राहत रकमको विषयमा चासो नदेखाएपछि भूकम्प प्रभावित विद्यार्थीले उक्त राहत रकममा प्रश्न उठाएका छन । स्ववियु अध्यक्ष प्रकाश सिंहले भने उक्त रकम राहत नभइ अन्य प्रयोजनका लागि आएको बताए । राहत नभई सहयोग भनेर आएकोले उक्त रकम क्याम्पसमा स्ववियु कार्यकक्ष निर्माणमा खर्च गरिएको अध्यक्ष सिंहको भनाई छ ।
उता जिपि कोइराला मेमोरियल क्लेज काठ्माडौंंका प्रमुख शिव अधिकारीले भने आफूहरुले दिएको ५ लाख रकम भूकम्प प्रभावित विद्यार्थीहरुका लागि तत्काल राहत होस भनेर भेरी ज्ञनोदय बहुमुखी क्याम्पस जाजरकोटलाई हस्तान्तरण गरिएको बताएका छन । ‘हामीले पठाएको राहत रकम अहिले सम्मपनि भूकम्प प्रभावित विद्यार्थीसंग किन नपुगेको हो ? यसको विषयमा त्यहाँका अविभावक विद्यार्थीहरुले खोजी गर्नुपर्छ,’ प्रमुख अधिकारीको भनाई छ ।
भेरी ज्ञनोदय बहुमुखी क्यामपसका प्रमुख बलराम भण्डारीका अनुसार उक्त राहत रकम स्ववियु कार्यकक्ष निर्माणको लागि मागे पछि एक लाख ले कार्यकक्ष निर्माण गरौन त भन्दा एक लाखले नपुग्ने भने पछि २ लाख रकम कार्यकक्ष निर्माणमा खर्च गर्ने निर्णय गरेको र ३ लाख क्याम्पसको खातामा जम्मा गरिएको क्याम्पस प्रमुख भण्डारी जानकारी दिएका छन ।
