सुर्खेत । कर्णाली प्रदेश सरकारले आज पूर्णता पाउने भएको छ । २७ चैतमा मुख्यमन्त्री नियूक्त भएका एमाले संसदीय दलका नेता यामलाल कडेलले २१ दिनपछि आज मन्त्रिमण्डललाई पूर्णता दिन लागेका हुन ।
आज दिउँसो साढे २ बजे ६ जना मन्त्रीहरुले सपथ लिने तयारी भएको प्रदेश प्रमुख कार्यालयले जनाएको छ । यद्यपि मन्त्रीहरुको नाम भने सार्वजनिक गरिएको छैन ।
मुख्यमन्त्री कडेलले आज एमालेको भागमा परेका भौतिक पूर्वाधार तथा सहरी विकास, भूमि व्यवस्था, कृषि तथा सहकारी र आन्तरिक मामिला तथा कानुन मन्त्री नियुक्त गर्ने तयारी गरेका छन ।
त्यस्तै माओवादीको भागमा परेका आर्थिक मामिला तथा योजना, सामाजिक विकास, उद्योग, पर्यटन, वन तथा वातावरण र जलस्रोत तथा ऊर्जा विकास मन्त्री नियुक्त हुने जनाइएको छ ।
मुख्यमन्त्रीसहित आठ मन्त्रालय रहेको कर्णालीमा ४ माओवादी र मुख्यमन्त्रीसहित ४ मन्त्रालय एमालेले लिने गरी सहमति भएको थियो । जसमा माओवादीबाट विनाविभागिय मन्त्रीका रुपमा रणसिंह परियारले यसअघि नै सपथ लिइ सकेका छन ।
