जाजरकोट । नेकपा एमाले शिवालय गाउँकमिटीको अध्यक्षमा रङ्गनाथ योगी निर्वाचित भएका छन ।
जेठ १० र ११ गते पालिकाको केन्द्र ऐरारीमा सम्पन्न गाउँकमिटीको दोस्रो अधिवेशनले योगीको अध्यक्षतामा सर्वसम्मत रुपमा गाउँकमिटी निर्वाचित गरेको हो । अधिवेशनले उपाध्यक्षमा राम बहादुर रावत, सचिवमा तेज बहादुर बुढा, उपसचिवमा प्रकाश घर्ती र पार्बता शाहीसहित ४७ सदस्यीय गाउँकमिटी निर्वाचित गरेको एमाले जाजरकोटका अध्यक्ष नरेन्द्र कुमार शाहीले जानकारी दिए ।
त्यसैगरी लेखा समितिको अध्यक्षमा सौगात राना निर्वाचित भएका छन । एमालेको जिल्ला अधिवेशन पछि पालिका अधिवेशन गर्ने शिवालय पहिलो पालिका हो ।
जेठ महिना भित्र सबै पालिकाहरुको अधिवेशन गरिसक्ने र त्यस लगत्तै वडा अधिवेशनहरु सुरु हुने जिल्ला अध्यक्ष शाहीको भनाई छ ।
