लिम्सा । नेकपा एमाले बारेकोट गाउँकमिटीको अध्यक्षमा लक्ष्मण प्रसाद बोहरा सर्वसम्मत निर्वाचित भएका छन । पालिकाको केन्द्र लिम्सामा बुधबार सम्पन्न गाउँकमिटीको दोस्रो अधिवेशनले बोहराको अध्यक्षतामा सर्वसम्मत रुपमा गाउँकमिटी निर्वाचित गरेको हो ।
अधिवेशनले कमिटीको उपाध्यक्षमा नन्दलाल पुन, सचिवमा मन बहादुर बोहरा, उपसचिवमा ध्रुवराज रोकाय र गंगा पोखरेलसहित ५१ सदस्यीय गाउँकमिटी निर्वाचित गरेको एमाले जाजरकोटका अध्यक्ष नरेन्द्र कुमार शाहीले जानकारी दिए । अध्यक्ष शाहीका अनुसार पदाधिकारीहरु सहित सबै सदस्यहरु सर्वसम्मत रुपमा चयन भएका हुन ।
अधिवेशनले चित्रबहादुर बस्नेतको अध्यक्षतामा ५ सदस्यीय लेखा समिति समेत सर्वसम्मत निर्वाचित गरेको छ । अधिवेशनमा पार्टी पोलिटव्युरो सदस्य एवम् जिल्ला इन्चार्ज लक्ष्मी प्रसाद पोखरेल, केन्द्रीय सदस्यहरु निरज आचार्य, डम्बर बहादुर सिंह र चन्द्रप्रकाश घर्ती, जिल्ला अध्यक्ष नरेन्द्र कुमार शाही सहित पार्टी प्रदेश कमिटीका सदस्यहरु र जनसंगठनका केन्द्रीय सदस्यहरुको उपस्थिति रहेको थियो ।
बारेकोट संगै एमालेको जिल्ला अधिवेशनपछि छेडागाड, भेरी, शिवालय, कुशे र जुनिचाँदेमा पालिका अधिवेशन सम्पन्न भइसकेका छन । अव नलगाडको पालिका अधिवेशन गर्न बाँकी रहेको एमालेले जनाएको छ ।
पालिकाहरुको अधिवेशन संगसंगै वडा अधिवेशनहरु पनि भइरहेका जिल्ला अध्यक्ष शाहीको भनाई छ ।
