जाजरकोट । कुशे गाउँपालिका– १ तारेचौरमा बाढीले बगाउँदा १ जनाको मृत्यु भएको छ । ६ जना घाइते भएका छन ।
गाउँ नजिकैको खोलामा माछा मार्न गएका स्थानीय इन्द्र बहादुर रोकायको भारी वर्षापछि आएको बाढीले बगाउँदा मृत्यु भएको हो । रोकाय कुशे ४ स्थित मालटाकुरा माध्यमिक विद्यालयका शिक्षक हुन ।
रोकाय सहित ७ जना शनिबार माछा मार्न भनेर खोलामा गएका थिए । माथिल्लो क्षेत्रमा अत्याधिक वर्षापछि आएको बाढीले करिब राती ११ बजेतिर उनिहरुलाई बगाएको कुशे गाउँपालिकाकी उपाध्यक्ष देविका सिंहले जानकारी दिइन । बाढीले बगाएका ७ जना मध्य अन्य ६ जना जिवितै पाखा लागेको र रोकायको मृत्यु भएको सिंहले बताइन ।
उनका अनुसार घाइते हुनेहरुमा तारेचौरका गोविन्द रावत, दिपेन्द्र बहादुर चलाउने, कुशे ४ तम्तीका राजेन्द्र बहादुर शाही, खिम बहादुर शाही, पृथ्वी बहादुर शाही र अर्छानीका जीवन जैसी रहेका छन ।
