जाजरकोट । जाजरकोटमा बोलेरो जीप दुर्घटना हुँदा १५ जना घाइते भएका छन । मङ्गलबार दिउँसो सदरमुकाम खलङ्गाबाट भेरी नगरपालिका ६ भेरे जान लागेको ग १ ज ७७११ नम्बरको बोलेरो जीप वडा नम्बर ६ को गंज जङ्गलमा दुर्घटना भएको प्रहरीले जनाएको छ ।
जिल्ला प्रहरी कार्यालयका प्रहरी प्रमुख डीएसपी पुरुषोत्तमप्रसाद पाण्डेले बोलेरो जीप दुर्घटना भए लगत्तै उद्धारका लागि घटनास्थलतर्फ प्रहरी गए पनि क्षतिको विवरण आइनसकेको जानकारी दिए । दुर्घटनास्थलमा खटिएका प्रहरी निरीक्षक तथा सूचना अधिकारी माधव विश्वकर्माका अनुसार १५ जना यात्रु सवार उक्त जीपमा सबै घाइते भएका छन भने ती मध्य केहीको अवस्था गम्भीर छ ।
जीपका चालक भेरी नगरपालिका ६ का मानबहादुर वली रहेको खुलेको छ । घाइतेलाई उद्धार गरेर जिल्ला अस्पताल जाजरकोट ल्याइएको प्रहरीले प्रहरीको भनाई छ ।
