जाजरकोट । नेपाली काँग्रेसको युवा संगठन नेपाल तरुण दल जाजरकोटको अध्यक्षमा लोकेन्द्र चन्द चयन भएका छन । चन्दलाई बुधवार तरुण दलको जिल्ला अध्यक्षको जिम्मेवारी दिइएको हो ।
नेपाल तरूण दलको विधान बमोजिम अर्को अधिवेशन नहुँदा सम्मको लागि चन्दलाई जिल्लाको अध्यक्ष पदमा पार्टीले जिम्मेवारी दिएको काँग्रेस पार्टीि कार्यवहाक सभापति सडक विसीले बताए । यसअघि तरुण दल, जाजरकोटको अध्यक्षमा पार्टी सचिव समेत रहेका कुशे गाउँपालिकाका अध्यक्ष हरिचन्द्र बस्नेत रहेका थिए ।
चन्द नेकपा एमाले निकट भातृ संगठन युवा संघ नेपालमा आवद्ध भएर लामो समय काम गरेका थिए । २०७९ सालको स्थानीय तहको निर्वाचनमा भेरी नगरपालिका ४ को वडा अध्यक्षमा एमालेबाट टिकट नपाए पछि चन्दले स्वतन्त्र उमेद्वारी दिएका थिए । त्यसपछि उनि कांग्रेस प्रवेश गरेका हुन ।
