जाजरकोट । नेकपा एमालेको तर्फबाट नलगाड नगरपालिकाको उपप्रमुख पदको उम्मेदवार सुनिता बोहराले आफु निर्वाचित भए कुनै सेवा सुविधा नलिने घोषणा गरेकी छन ।
यहि मंसिर १६ गते हुने उपनिर्वाचनमा एमालेको तर्फबाट उम्मेदवार बनेकी बोहराले उपप्रमुखमा निर्वाचित भए उपप्रमुखले राज्यबाट पाउने कुनैपनि सेवा सुविधा नलिई नगर भित्रका गरिब तथा विपन्न नागरिकलाई प्रदान गर्ने बताइन । आफ्नो उम्मेदवारी नलगाडबासीको सेवाका लागि भएको भन्दै बोहराले त्यो बाहेकको अन्य कुनै स्वार्थ नरहेको बताइन ।
‘मेरो उम्मेदवारी दुइचार पैसा कामाउनका लागि होइन, गाडीमा बसौला भनेर पनि होइन, बोहरा भन्छिन, म संग आफुलाइ चाहिने सम्पत्ति छदँैछ । म विशुद्ध नगरवासीको सेवा गर्न चाहान्छु ।’
आफु यसअघि पनि जनतासंग पुगेकोले यसपटक नलगाडवासीले आफुलाई जिताएर न्याय गर्ने बोहराको विश्वास छ । ‘म नलगाड मै जन्मिएकी हुँ, यहि हुर्किएकी हुँ, मैले जति अरुले यहाँको समस्या र सम्भावना बुझेको जस्तो लाग्दैन बोहरा भन्छिन, यस कारण पनि नलगाडको उपमेयर पद मेरो लागि र आम नलगाडबासीको लागि उपयुक्त र न्यायोचित हुन्छ ।’
लामो समय अनेमसंघको जिल्ला नेतृत्व गरेकी बोहेरा हाल नेकपा एकाले जाजरकोट जिल्ला कमिटीकी उपसचिव छन ।
विशेषगरी महिलाहरुको हक अधिकारका विषयमा सक्रिय रहेको भन्दै आफुलाई सम्पूर्ण महिलाहरु सहित आम नगरवासीले साथ, सहयोग र न्याय गर्ने कुरामा उनको विश्वास छ ।
