खलंगा । भेरी नगरपालिका र स्वास्थ्य कार्यालय जाजरकोट बिचको क्रिकेट प्रतियोगितामा नगरपालिकाले जित हात परेको छ ।
सदरमुकाम स्थित त्रिभुवन माविको खेल मैदानमा शनिवार विहान भएको खेलमा स्वास्थ्य कार्यालयलाई ७ विकेटले हराउँदै नगरपालिकाले जित हात पारेको हो ।
टस हारेर पहिले ब्याटिङ गरेको स्वास्थ्य कार्यालयको टिमले ५ विकेटको क्षतिमा १ सय ३८ रनको लक्ष दिएको थियो । जवाफी ब्याटिङ गरेको नगरपालिकाको टिमले १० ओभरमा ३ विकेट गुमाएर लक्ष्य भेटाएको टिम क्याप्टेन सुर्य लम्सालले बताए ।
यी दुई टिमबिच यसअघि सम्पन्न प्रतियोगिताहरुमा नगरपालिका र स्वास्थ्य कार्यालयले समान १।१ खेलमा जित हासिल गरेका थिए ।
जित संगै आफ्नो टिमले ११ हजार नगद समेत हात परेको नगरपालिकाका टिम म्यानेजर भरत शर्माले जानकारी दिए ।
