जाजरकोट । बारेकोटकाे वन क्षेत्रमा दुर्लभ वन्यजन्तुको चोरी शिकारी बढेको छ । सरोकारवाला निकायले ध्यान नदिँदा वन्यजन्तुको दैनिक चोरी शिकारी बढेकाे हाे ।
पालिकाको विभिन्न वन क्षेत्रमा पाइने बँदेल, रतुवा, भालु, घोरल, थार, खरायो, झारल, रेडपान्डा, कस्तुरी, डाँफे, कालिज लगायत जङ्गली जनावर तथा पंक्षीको दिन प्रतिदिन चोरी शिकारी भइरहेकाे स्थानीयले बताएका छन । दिनमै बन्दुक पड्काएर वन्यजन्तुकाे शिकार गर्दापनि सरोकारवाला निकायहरूले नियन्त्रणतर्फ ध्यान नदिएको स्हथानीयरुको आरोप छ । प्रहरी कार्यालय नजिकै बन्दुक पट्काएको आवाज आउँदा पनि प्रहरीले ध्यान नदिएको स्थानीयकाे भनाइ छ ।
बारेकोटको जिरीमैना, धुमा, पारामुल्साम, लुहाग स्याला, कोलल्यानी, सिल्पाचौर, लैखम लगायतका लेकाली जंगल तथा पाटन क्षेत्रमा दैनिक चोरी शिकारी भइरहेको वन्यजन्तु संरक्षण अभियन्ता गोविन्द्र बहादुर सिंहको भनाइ छ । शिकारीले भरुवा बन्दुक, पासो थापेर र शिकारी कुकुरको प्रयोग गरेर जङ्गली जनावर मार्ने गरेका छन । ‘गाउँमा घरेलु हतियार भरुवा बन्दुक छ्यापछ्याप्ती छन, यसैबाट दिनहु चाेरी शिकारी भइरहेकाे छ, अभियन्ता सिंहले भने, यसतर्फ कसैको चासो छैन ।
वनका कर्मचारी तथा प्रहरीले चोरी शिकारी नियन्त्रणमा ध्यान दिन नसकेको डाफे युवा क्वलव जाजरकोट कि सामाजिक परिचालक निर्मला थापले बताएकी छन । आफ्नो संस्थाले जङ्गलमा चोरीसिकार नियन्त्रण गस्ति गर्दा जङ्गल भरि मृग लगाएत चरालाई थापेका पासो मात्र भेटिने गरेको थापाको भनाइ छ ।
सवडिभिजन वन कार्यालय बारेकोटका प्रमुख भिम केसीले चोरी शिकार नियन्त्रण गर्न कार्यालयले काम गरिरहेको बताएका छन । अतिक्रमण, डढेलो, चरिचरण लगायतका कारण वन विनाश बढेकोले पनि जङ्गली जनावर तथा पक्षीको वासस्थान नष्ट हुँदै गएको केसीको भनाइ छ ।
