जाजरकोट । अपाङ्गता भएका व्यक्तिहरुको समावेशिता र पहुँचबारे भेरी नगरस्तरिय बहु-सरोकारवालाहरुको समन्वय बैठक सम्पन्न भएयको छ ।
पाँचतारा युवा संरक्षक मञ्च र ह्याण्डिक्याप इन्टरनेशनल फेडेरेशनको साझेदारीमा भेरी नगरपालिकामा संचालित अपाङ्गता भएका महिला तथा बालबालिका र संकटासन्न व्यक्तिहरुको शारीरिक पुर्नस्थापना तथा आर्थिक समावेशिता सेवामा पहुँच वृद्धि (AC–6) कार्यक्रम अन्तरर्गत भेरी नगरपलिकामा अपाङ्गताभएका व्यक्तिहरुको समावेशिता र पहुँच बारे बहु-सरोकारवालाहरुको समन्वय बैठक सम्पन्न भएको हो ।
बैठकमा महिला, बालवालिका तथा जेष्ठ नागरिक शाखा प्रमुख विपना पौडेलले शाखाद्धारा आर्थिक वर्ष २०७९÷८० मा भएका क्रियाकलापहरुको प्रगति तथा समिक्षा गरेको पाँचतारा युवा संरक्षक मञ्चका परियोजना संयोजक गगन खड्काले जानकारी दिए । संयोजक खड्काका अनुसार पाँचतारा युवा संरक्षक मञ्च र ह्याण्डिक्याप इन्टरनेशनल फेडेरेशनको साझेदारिमा भेरी र नलगाड नगरपालिकामा सञ्चालन भएका क्रियाकलापहरुको प्रगति तथा समिक्षा गरिएको हो ।
सो प्रस्तुतिकरण पहुँच कार्यक्रमका परियोजना संयोजक खड्काले गरेका थिए । त्यसैगरी ह्याण्डिक्याप इन्टरनेशनल फेडेरेशनका कार्यक्रम व्यबस्थापक महेन्द्र विक्रम शाहले अपाङ्गता, अपाङ्गता समावेशीकरण र पहुँच सम्बन्धि प्रस्तुतिकरण गरेका थिए ।
बैठले नगरपालिकामा रहेका संरचना, सेवा तथा अन्य स्थितिको लेखाजोखा गर्नको पालिका स्तरीय पहँुच लेखाजोखा समिति समेत गठन गरेको छ । वडा नं. ८ वडाध्यक्ष एवम् सामाजिक विकास समितिका संयोजक विरबहादुर चन्दको संयोजकत्वमा गठित समितिको सदस्यहरुमा कार्यपालिका सदस्य तथा अपाङ्गगता भएको व्यक्तिको परिचयपत्र वितरण समन्वय समितिका सदस्य मोति नेपाली, नरबहादुर पुन, देबेन्द्र विक र नेपाल पत्रकार महासंघका प्रतिनिधि रहने छन ।
समितिले अध्ययन गरी ३ महिनाभित्र आफ्नो प्रतिवेदन पेश गर्नेछ ।
