जाजरकोट । धावक अमृत बस्नेतले जाजरकोटका लागि खाली खुट्टा महाकाली देखि मेची सम्मको दौड सुरू गरेका छन ।
चारपटक खाली खुट्टा दौडिएर गिनिज बुक अफ वर्ल्ड रेकर्डमा नाम लेखाएका उनले जाजरकोट भूकम्पमा ज्यान गुमाएका व्यक्तिहरुको स्मृतिमा महाकाली – मेची एक्लै खाली खुट्टा दौडिएका हुन । उनले यो दौडलाई ‘शोकका लागि दौड’ नाम दिएका छन ।
काठमाडौंमा बसोबास गर्दै आएका जाजरकोट निवासी धावक अमृतले खाली खुट्टा दौडिएर चारपटक गिनिजबुक अफ वल्र्ड रेकर्डमा नेपालको नाम लेखाइसकेका छन । धावक अमृतको यो एकल खाली खुट्टा दौडको उद्देश्य भने जाजरकोट भूकम्पमा ज्यान गुमाएकाहरुको परिवारलाई साहयता र समर्पण गर्नु रहेको उनले बताए ।
यस दौडको लम्बाई कुल १ हजार ५० किलोमिटर रहेको छ । उनको यो दौड फागुन ६ गते १० औँ दिनमा सम्पन्न हुने अपेक्षा गरिएको छ ।
हालसम्म आफुले कहिकतैबाट कुनै पनि सहयोग नपाएको उनले बताए । यसपटकको दौडको यात्रामा सबैबाट साथ र सहयोगको अपेक्षा गरेको उनको भनाई छ ।
