मुगु । मुगुको छायाँनाथ रारा नगरपालिकाले आफ्नै पहिचान झल्कीने लोगो निमार्ण गरेको छ । स्थानीय सरकारले आफ्नै पहिचान झल्किने गरी प्रतिक चिन्ह लोगो बनाउन पाउने व्यवस्था अनुसार नगरपालिकाले आफ्नै पहिचान झल्किने प्रतिक चिन्ह लोगो निमार्ण गरेको हो ।
छायाँनाथ रारा नगरपालिकाको पर्यटन, पहिचान ऐतिहासिक जनजिवन, भूगोल सांस्कृतिक पहिचान झल्कीने गरी छायाँनाथ रारा नगरपालिकाले प्रतिक चिन्ह लागो निमार्ण गरेर सञ्चालनमा ल्याएको नगरपालिकाले जनाएको छ । नगर कार्यपालिकाको गत माघ २४ गते बसेको बैठकले स्थानीय सरकारले आफ्नै पहिचान झल्किने गरी प्रतिक चिन्ह लोगो बनाउन पाउने व्यवस्था अनुसार नगरपालिकाले आफ्नै पहिचान झल्कीने लोगो निमार्ण गरेको हो ।
नगरपालिकाको पहिचान झल्कीने यस नगरपालिका भित्र रहेका पर्यटकीय क्षेत्र नेपालको सबैभन्दा ठूलोताल रारा ताल, चंखेली हिमाल, छायाँनाथ मन्दिर र धानाका बाला नगरपालिकाको नक्सा, नेपालको नक्सा राष्ट्रिय झण्डालगायतका पर्यटकीय क्षेत्र समाबेश गरेर नगरपालिकाको लोगो निमार्ण गरेको नगर प्रमुख बिष्णु कुमार भामले जानकारी दिए ।
बुधबारदेखि नेपाल सरकारको लोगो र स्थानीय सरकार छायाँनाथ रारा नगरपालिकाको लोगोसहितको लेटहेड पनि सञ्चालनमा ल्याएको नगर प्रमुख भामको भनाइ छ ।
