काठमाडाैं । नायीका रेखा थापा आमा बनेकी छन । उनी शुक्रबार अमेरिकामा आमा बनेकी हुन ।
उनले आफ्नो पहिलो सन्तानको रूपमा छोरीलाई जन्म दिएकी छन । रेखाले आफू आमा बनेको जानकारी सामाजिक सञ्जालबाट दिएकी हुन । ‘हेर आकाशमा कालो बादल वरिपरि चाँदीको घेरा छ, हेर धर्तीमा तिमी जन्मनुको महान कारण छ,’ पोस्टमा उनले लेखेकी छन ।
रेखाले आफ्नी छोरीको नाम वैभवी राज्यलक्ष्मी शाही ठकुरी राखेकी छन । रेखाले २०७८ सालमा जाजरकोटको बारेकोट घर भएका बलराम शाही ठकुरीसँग विवाह गरेकी थिइन ।
रेखा फिल्म ‘उपहार’ को प्रदर्शनको पर्खाइमा छिन । यो फिल्म फागुन २५ गतेदेखि प्रदर्शन हुँदैछ । ज्ञानेन्द्र देउजा निर्देशित फिल्ममा रेखा थापा, पूजा शर्मा, बेनिशा हमाल, मुकुन भुषाल, तेज गिरी, समर्पणजंग कार्की, सुष्मा कार्की, अंशु महर्जन, आशा भुषाललगायत कलाकारको अभिनय छ ।
