जाजरकोट । भेरी नगरपालिका ९ लामाकाटियाँका मोतिराम न्यौपानेले वडा भित्रका ४० जना विपन्न बालबालिकाहरुलाई स्टेशनरी समान सहयोग गरेका छन ।
नेपाली कांग्रेसका भेरी नगर कार्यसमितिका सचिव समेत रहेका न्यौपानेले आज (चेत ३) आफ्नो जन्मदिनको अवसर पारेर भेरी नगरपालिका ९ स्थित दीपेन्द्र मावि, नेरा आवि, शिवशक्ती आवि र सुर्यज्योती आविका १०।१० जना बालबालिकालाई कापी र कलम सहयोग गरेका हुन ।
वडा भित्रका विद्यालयहरुमा अध्ययन गर्ने गरीब, तथा विपन्न परिवारका ४० जना बालबालिकालाई १० हजार बराबरको स्टेशनरी सामग्री व्यक्तिगत रुपमा सहयोग गरेको न्यौपानेले बताए । आफू बैदेशिक रोजगारीको शिलशिलामा देश बाहिर रहेकोले उक्त सामग्री श्रीमती गिता न्यौपानेले विद्यालयहरुमै पुगेर हस्तान्तर गरेको न्यौपानेले बताए ।
विपन्न परिवारका बालबालिकालाई पढाईमा थोरै भएपनि मद्दत होस भनेर सानो सहयोग गरेको उनको भनाई छ ।
