३ चैत्र २०८० २१:३२
३ चैत्र २०८० २१:३२
जाजरकोट । राष्ट्रिय भूमि आयोग जिल्ला समिति जाजरकोटले हालसम्म भएका काम सार्वजनिक गरेको छ । समितिले सदरमुकाम खलंगामा पत्रकार भेटघाट कार्यक्रमको आयोजना गरी हालसम्म भएका प्रगति सार्वजनिक गरेको हो । जिल्ला अध्यक्ष सर्पराज रावतले हालसम्म जिल्लामा भूमिहीन दलित, भूमिहीन सुकुम्वासी, अव्यवस्थित बसोबासी र अधुरा अपूरा कामको लगत संकलन भएको जानकारी दिए । हालसम्म जिल्लामा भूमिहीन दलित १४८ जना, सुकुम्वासी ५६ जना, अव्यवस्थित बसोबासी ६ हजार ४२ जना गरी कुल छ हजार २ सय ४६ जना रहेका छन् । अध्यक्ष रावतका अनुसार, बारेकोट गाउँपालिकामा भूमिहीन दलित १३, भूमिहीन सुकुम्बासी छ र अव्यवस्थित बसोबासी ४ सय छ जनाको लगत संकलन गरिएको छ…
