जाजरकोट । जाजरकोटका ३ जना पत्रकारलाई लोकेन्द्र शाह पत्रकारिता पुरस्कार प्रदान गरिएको छ । स्वर्गिय पत्रकार लोकेन्द्र शाहको नाममा नेपाल पत्रकार महासंघ, जाजरकोट शाखाले स्थापना गरेको उक्त पुरस्कार पत्रकार सरोज वली सहित तीन जनालाई प्रदान गरिएको हो ।
नेपाल पत्रकार महासंघ, जाजरकोट शाखाको ७ औं अधिवेशन तथा १२ औं साधारण सभामा पत्रकार वली सहित दिपेन्द्र शर्मा र राजु कुमार शाक्यलाई नगद सहित पुरस्कृत गरिएको हो ।
प्रत्येक वर्ष १ जनालाई प्रदान गरिने उक्त पुरस्कार वर्तमान कार्यसमितिको ३ वर्षिय कार्यकालमा एकैपटक ३ जनालाई पुरस्कृत गरिएको महासंघ जाजरकोटका सचिव एवम् पुरस्कार छनौट समितिका संयोजक भरत कुमार शर्माले बताए । संयोजक शर्माका अनुसार अग्रज पत्रकाहरु मध्य राजु शाक्य र दिपेन्द्र शर्मालाई पुरुस्कृत गरिएको हो भने नयाँ क्रियाशिल पत्रकारको तर्फबाट सरोज वलीलाई पुरस्कृत गरिएको छ ।
कान्तिपुर टेलिभिजनमा कार्यरत वली पछिल्लो समय जिल्लामा क्रियाशिल पत्रकारका रुपमा परिचित छ्न । पुरस्कारको राशी ७ हजार ५ सय रहेको छ महासंघले जनाएको छ ।
