जाजरकोट । वर्षादको कामना गर्दै भेरी नगरपालिका १ कालेगाउँका कृषकहरुले पूजापाठ गरेका छन ।
लामो समयसम्म पानी नपर्दा लगाएको खेती सुकेको र अन्य खेती लगाउन नपाइएको तथा अत्याधिक गर्मी बढेपछि पानी परोस भन्दै कृषकहरुले सामुहिक रुपमा कालेगाउँ स्थित शिवालय मन्दिर परिषरमा भगवानको पूजापाठ गरेका हुन ।
अषाढ लाग्दा समेत पानी नपरेपछि कालेगाउँ लगाएतका क्षेत्रमा लगाएको तरकारी तथा मकै सुक्न थालेको छ भने मुहान तथा खोलामा पानीको मात्रा घटेपछि अधिकांशा क्षेत्रको खेतमा रोपाई हुन सकेको छैन ।
समयमा पानी नपर्दा प्राय आकाशे पानीको भरमा खेती गर्ने किसान मर्कामा परेका छन । वर्षाद नहुँदा यसवर्ष पहाडी क्षेत्रमा समेत उच्च गर्मी बढेको छ ।
