जाजरकोट । जाजरकोटमा करेन्ट लागेर ३ जना घाइते भएका छन । भेरी नगरपालिका–४ स्थित गणेश वलीको घर निर्माणका क्रममा गिट्टी पेल्ने मिक्सर मेसिनमा विद्युत् सर्ट भई लागेको करेन्टले ३ जना घाइते भएका हुन ।
घाइते हुनेहरुमा भेरी नगरपालिका ७ का २६ वर्षिय चन्द्रप्रकाश घर्ती, सल्यान जिल्ला कुमाख गाउँपालिका ६ का २६ वर्षीय गोपाल डिसी, र ३२ वर्षीय दिपक रावत रहेको जिल्ला प्रहरी कार्यालय जाजरकोटका प्रहरी निरिक्षक माधब विश्वकर्माले जानकारी दिए ।
घाइतेहरुको जिल्ला अस्पतालमा जाजरकोटमा उपचार भइरहेको र उनिहरुको अवस्था खतरामुक्त रहेको प्रहरीको भनाई छ ।
