जाजरकोट । नेकपा (एकीकृत समाजवादी) पार्टीका भेरी नगर कमिटी अध्यक्ष मोहन खड्का एमालेमा फर्किएका छन । खड्काले नेकपा एमालेको केन्द्रीय कार्यालय च्यासल पुगेर एकीकृत समाजवादी पार्टी परित्याग गरि एमालेमै फर्किएका हुन । उनलाई पार्टी महासचिव शंकर पोखरेलले पार्टीमा स्वागत गरेका छन ।
पार्टी विभाजन कै बेलादेखि एमाले छोडेर समाजवादीतिर लागेका खड्काले पार्टी नेतृत्वले भन्ने र गर्ने व्यवहार फरक देखाएकोले पुरानै पार्टीमा फकिएको बताए । ‘जुन उद्देश्यले पार्टी विभाजन भयो, विभाजनको बेला जे भनिएको थियो त्यसो देखिएन खड्काले भने, समाजवादी पार्टी अरुकै भरिया मात्र हुने देखिएकोले पुरानो पार्टीमा फकिएको हुँ ।’
एकीकृत समाजवादीका जिल्ला अध्यक्ष कमान बहादुर खड्काका विश्वास पात्र रहेका मोहन खड्का एमालेमा फर्किएपछि समाजवादी पार्टी भित्र तरंग पैदा भएको छ ।
