तीन दिनदेखिको अविरल वर्षाले भूकम्पपीडितको बेहाल

जाजरकोट । शुक्रबारदेखिको अविरल वर्षाले जाजरकोट र रुकुम पश्चिममा अस्थायी टहरामा बस्दै आएका भूकम्पपीडितको बेहाल भएको छ । गत कार्तिक १७ गते राति आएको भूकम्पले बस्ने घर भत्किएपछि अधिकांश भूकम्प पीडितहरु अस्थायी टहरामा बस्दै आएका थिए । ३ दिन देखि भारी वर्षाभएपछि टहराले छेक्न नसक्दा उनिहरुको भूकम्पले चर्काएकै घरमा सर्न बाध्य भएका छन । भूकम्पले चर्काएको घरहरुपनि लगातारको वर्षाले भत्किना थालेपनि उनिहरुको बिचल्ली भएको हो । ‘टहराभरि पानी चुहिएको छ, यहॉ त बस्नै समस्या भयो,’ जाजरकोटको भेरी नगरपालिका-१ का लालबहादुर महरले भने, ‘त्यसैले चर्किएको घरमा फेरि फर्कनुपर्‍यो, घरमा पनि भित्ताहरु चर्किएकै ठाउॅमा पानी परेर रसाउन थालेको छ, कुन दिन भत्किने…

काठमाडौं । शुक्रबार रातिदेखिको अविरल वर्षासँगै आएको बाढी, पहिरो र डुबानमा परी हालसम्म देशभर १४ जनाको मृत्यु भएको छ । बाढी पहिरालगायतका विपद्जन्य घटनामा परेर अन्य ३ जना बेपत्ता भएका छन् । १८ जना घाइते भएको केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए । उनका अनुसार बाढी, पहिरो तथा विपद्जन्य घटनामा पुरिएर काठमाडौँमा एक, स्याङ्जामा तीन, पर्वतमा दुई, उदयपुरमा एक, काभ्रेपलाञ्चोकमा दुई, पाल्पामा एक, तनहुँमा तीन तथा दाङमा एक जना गरी १४ जनाको मृत्यु भएको छ । काठमाडौँस्थित नागार्जुन नगरपालिका–३ को पहिरोमा पुरिएर गोरखा लखन थापा गाउँपालिका–६ का मनोज बिकको मृत्यु भएको थियो । पहिरोमा परी…

जाजरकोट । जिल्लाका विपन्न तथा सिमान्तकृत समुदाय संलग्न सहकारीहरुलाई लेखा तथा व्यवस्थापन तालिम दिइएको छ । सामाजिक विकास कार्यालयको लोपोन्मुख तथा सीमान्तकृत समुदायको लागि सचेतना अभिबृद्धि तथा अभिमूखिकरण तालिम कार्यक्रम अन्तरगत भिभिन्न १२ वटा सहकारीका अध्यक्ष, सचिव र कोषाध्यक्षहरुलाई ३ दिने लेखा तथा व्यवस्थापन तालिम दिइएको हो । लक्षित वर्ग विषेश कार्यक्रम अन्तरगत कार्यालयबाट विउपुँजी प्राप्त गरेका सहकारीहरुका पदाधिकारीहरुलाई ३ दिने तालिम प्रादन गरिएको कार्यालय प्रमुख यज्ञश्वर खत्रीले बताए । प्रमुख खत्रीका अनुसार सहकारीहरुको उद्देश्य अनुरुप लेखा प्रणालीको अवलम्बनका साथै अन्य व्यवस्थापकीय पक्षको सुधारका लागि तालिमको आयोजना गरिएको हो । सहकारी अभियान्ता राजु केसी, प्रकाश कुमार चन्द लगायतले तालिमको सहजिकरण…

सुर्खेत । पहिरोका कारण कर्णाली राजमार्ग अवरुद्ध भएको छ । शुक्रबारदेखि परेको अविरल वर्षाका कारण राजमार्गका विभिन्न ठाउँमा पहिरो खस्दा सडक अवरुद्ध भएको हो । राजमार्ग अन्तरगत दैलेख र कालीकोटको सिमानामा पर्ने गगने खोला, सेरिघाट र छेडामा पहिरो खस्दा सडक अवरुद्ध भएको छ । राजमार्ग अवरुद्ध हुँदा सुर्खेतदेखि कालीकोट, जुम्ला, मुगु आवतजावत गर्ने सवारीसाधन रोकिएको कर्णाली प्रदेश प्रहरी कार्यालयले जनाएको छ । गगनेखोलामा लगातार ढुङ्गा खसिरहेकाले पहिरो पन्छाउन समस्या भइरहेको प्रहरीले भनाइ छ ।

नयाँ दिल्ली । भारतको बिहार राज्यमा पछिल्लो केही दिनयता एकपछि अर्को गर्दै पुल भत्किरहेको खबर आइरहेका छन । गएको १७ दिनमा बिहारमा १२ पुल भत्किएका छन । त्यहाँ पुल भत्किने जुन १८ देखि सुरु भएको थियो । यसपछि मुसलधारे वर्षा र बाढीमा पुल भत्किने क्रम निरन्तर चलिरहेको छ । यी घटनाहरूपछि राज्य सरकारले ११ जना इन्जिनियरलाई निलम्बन गरेको छ । बिहारका मुख्यमन्त्री नीतीश कुमार नेतृत्वको सरकारले पुलको पुनर्निर्माण वा नयाँ पुल बनाउन आदेश दिएको छ । पछिल्ला दिनमा भत्किएका पुलमध्ये ६ पुल निकै पुराना थिए । अन्य तीन पुल निर्माणाधीन थिए । निर्माणाधीन पुल भत्किनुलाई इन्जिनियर र ठेकेदारलाई दोष दिइएको…

सल्यान । सल्यानमा जबरजस्ती करणीको आरोपमा एक व्यक्ति पक्राउ परेका छन्। जिल्लाको त्रिवेणी गाउँपालिका– ३ टोट्केका ४२ वर्षीय टोपबहादुर वली जबरजस्ती करणी आरोपमा पक्राउ परेका जिल्ला प्रहरी कार्यालयले जनाएको छ। यहि असार १९ गते ४३ वर्षीया महिलालाई उनकै घरमा जबरजस्ती करणी गरेको आरोपमा बिहीबार जाहेरी परेपछि खोजतलास गर्ने क्रममा आफ्नै घरमा बसिरहेको अवस्थामा फेला परेको जिल्ला प्रहरी कार्यालयका सूचना अधिकारी भवानीप्रसाद धमलाले जानकारी दिए। आरोपि वलीको घर खानतलासी गर्ने क्रममा बारुद र फलामको टुक्रा भरी पड्काउन तयारी अवस्थामा राखेको एकनाले भरुवा बन्दुक फेला परेको उनको भनाइ छ। पक्राउ परेका वलीलाई जबरजस्ती करणी तथा हातहतियार खरखजनासम्बत्धी कसुरमा हिरासतमा राखी अनुसन्धान अघि…

काठमाडौं । प्रधानमन्त्री पुष्पकमल दाहालले असार २८ गते प्रतिनिधिसभाबाट विश्वासको मत लिने भएका छन् । कांग्रेस र एमालेले गठबन्धन गरेर नयाँ सरकार बनाउने सहमति गरेसँगै प्रधानमन्त्री दाहालले राजीनामा दिएर मार्गप्रशस्त गर्नुपर्ने माग उठिरहेको छ । तर प्रधानमन्त्री दाहालले भने संविधानको व्यवस्थाबमोजिम विश्वासको मत लिने तयारी अघि बढाएका हुन् । प्रधानमन्त्री दाहालले असार २८ गते विश्वासको मत लिने तयारी गरेको माओवादी केन्द्रका एक नेताले बताए । त्यसबारे अहिले केहीबेर अघिदेखि सिंहदरबारमा सत्ता साझेदार दलहरुसँग छलफल चलिरहेको छ । प्रधानमन्त्रीका प्रेस सल्लाहकार गोविन्द आचार्यले प्रधानमन्त्री दाहालले विश्वासको मत लिनेबारे सत्ता साझेदार दलहरुसँग छलफल गरिरहेको बताए । एमालेले बुधबार मात्रै सरकारलाई दिएको समर्थन…

काठमाडौं । युरोकप २०२४ को दोस्रो क्वाटरफाइनलमा आज राति फ्रान्सले पोर्चुगलको सामना गर्दैछ र यो अर्को हेर्नैपर्ने खालको खेल हुनेछ । फेरि यो फ्रान्सका केयलिन एमबाप्पे र पोर्चुगलका क्रिस्टियानो रोनाल्डो बीचको सनसनीपूर्ण भेट पनि हुनेछ । यससँग जोडिएका तथ्यांक यस प्रकार छन् । – यो खेल हुनेछ, उपाधिका दुई प्रत्यासीको । तर अहिलेसम्म दुवै टिमले आफ्नो प्रतिष्ठा र अपेक्षा अनुसार खेल्न सकेका छैनन् । – पोर्चुगलले पछिल्ला आफ्ना दुई खेलमा गोल गर्न सकेको छैन । फ्रान्सले भने यस प्रतियोगितामा ओपन प्लेबाट एकै गोल पनि गरेको छैन । – फ्रान्सले यसपल्ट जम्मा एकै गोल मात्र खाएको छ । – रोनाल्डोले यस…

जाजरकोट । भेरी नगरपालिकाले आर्थिक वर्ष २०८१/८२ का लागि १ अर्व बढिको बजेट पारित गरेको छ । अषाढ १० र ११ गते सम्पन्न नगरसभाबाट नगरपालिकाले आगामी आर्थिक वर्षका लागि १ अर्व ७ करोड ६७ लाख १३ हजार ३८३ रुपैयाँको बजेट पारित गरेको हो । नगरको आन्तरिक आम्दानी र सरकारी अनुदान गरि ८८ करोड ५३ लाख १५ हजार ३८१ र विकास साझेदार निकायहरुबाट १९ करोड १४ लाखको अनुमान गरि उक्त बजेट ल्याइएको नगरप्रमुख चन्द्रप्रकाश घर्तीले जानकारी दिए । नगरप्रमुख घर्तीका अनुसार बजेटमा भूकम्प पछिको पुनसर््थापनासहित शिक्षा, स्वास्थ्य, कृषि रोजगारी र विकास निर्माणका अन्य पक्षहरुलाई प्राथमिकता दिइएको छ । बजेटले नगरपालिकाले संचालन…

काठमाडौं । नवविहाहित जोडीलाई बुद्ध एयरले पोखराको दुईतर्फी निःशुल्क टिकट उपलब्ध गराउने भएको छ । बुद्ध एयरले विवाहित जोडीलाई उपहार स्वरुप पोखराको दुईतर्फी टिकट पुनः सञ्चालनमा ल्याएको हो । असार महिनामा थोरै विवाह लगन रहेका छन । बुद्ध एयरको उडानमा बेहुला–बेहुलीले बुद्ध एयरको सामाजिक सञ्जाल फेसबुक, इन्स्टाग्राम, ट्वीटरमा तस्विर ट्याग वा शेयर गरेको हुनुपर्छ । यसरी शेयर गरिएकोबाट ४ जना जोडीलाई बुद्ध एयरले पोखराको दुईतर्फी टिकट उपहार स्वरुप प्रदान गर्ने जनाएको छ । हाल बुद्ध एयरले १८ वटा जहाज मार्फत काठमाडौँ र पोखरालाई बेस बनाएर उडान गर्दै आएको छ ।