महिला हिंसा न्यूनीकरणका लागि अनेमसंघ जाजरकोटले बुझायो ज्ञापनपत्र

जाजरकोट । अखिल नेपाल महिला संघ, जाजरकोटले महिला हिंसा न्यूनीकरणका लागि ज्ञापनपत्र बुझाएको छ ।आज ११४ औं अन्तर्राष्ट्रिय महिला दिवसको अवसरमा अनेमसंघ, जाजरकोटले प्रमुख जिल्ला अधिकारी मार्फत सरकारलाई हिंसा न्यूनीकरणको माग सहित ज्ञापनपत्र बुझाएको हो । केन्द्रीय सर्कुलर बमोजिम संघका जिल्ला अध्यक्ष सुनिता बोहराको नेतृत्वमा जिल्ला प्रशासन कार्यालय पुगेर प्रमुख जिल्ला अधिकारी सुरेश सुनारलाई ज्ञापनपत्र बुझाईएको अनेमसंघ जाजरकोटले जनाएको छ । ज्ञापनपत्र बुझाउनुका साथै दिवसका अवसरमा जिल्ला पार्टी कार्यालयमा अन्तरक्रिया कार्यक्रम समेत सम्पन्न गरिएको अध्यक्ष सुनिता बोहराले जानकारी दिइन । उक्त कार्यक्रममा अनेमसंघको जिल्ला पदाधिकारी सहित पार्टी प्रदेश कमिटी सदस्य देवि नेपाली, जिल्ला कमिटी उपसचिवद्वय नरबहादुर बस्नेत र गोपाल नेपाली…

रुकुम पश्चिम । अनेरास्ववियु कर्णाली प्रदेश कमिटीले आयोजना गरेको मावि स्तरीय हाजिरीजवाफ प्रतियोगितामा जाजरकोट भेरी नगरपलिका ३ को त्रिभुवन मावि प्रथम भएको छ । रुकुमका कम्युनिष्ट संस्थापक नेता सहिद यदु गौतमको २५ औं स्मृतिमा अनेरास्ववियुद्धारा आयोजित मावि स्तरीय हाजिरीजवाफ प्रतियोगितामा त्रिभुवन माविका विद्यार्थीहरुले प्रथम स्थान हासिल गरेका हुन । प्रतियोगितामा रुकुम पश्चिमको हिमालय मावि खोलागाउँले द्धितीय स्थान हासिल गरेको छ भने, सल्यानको जनज्योति मावि फारुलाले तृतीय स्थान प्राप्त गरेको छ । रुकुम पश्चिमको चौरजहारी नगरपालिका ११ खोलागाउँ स्थित हिमालय माविमा सम्पन्न वक्तृत्वकला प्रतियोगितामा राप्ती ज्ञानुदय मावि सिम्लि रुकुम पश्चिमकी हिरा कुसारी प्रथम भएकी छन । त्यस्तैगरी हिमालय मावि खोलागाउँका महेन्द्र…

जाजरकोट । भेरी नगरपालिकाले स्थानीय आपतकालीन केन्द्र स्थापना गरेको छ । गोर्खा वेल्फेर ट्रष्ट, नेपालको सहयोगमा नगरपालिकाले स्थानीय आपतकालीन केन्द्र स्थापना गरेको हो । थाप्लेचौर स्थित नगरपालिकाको प्रशासनिक भवनको तल्लो तलामा केन्द्रको स्थापना गरिएको नगरप्रमुख सिपी घर्तीले जानकारी दिए । नगरप्रमुख घर्तीका अनुसार गोर्खा वेल्फेर ट्रष्ट, नेपालले आपतकालिन अवस्थामा आवश्यक विभिन्न सामाग्रीहरु समेत सहयोग गरेको छ । ट्रष्टले बाढी, पहिरो, आगलागी लगायतका प्रकोपहरुको उद्धारमा काम लाग्ने करीब ५ लाख बराबरको समान नगरपालिकालाई हस्तान्तरण गरेको छ । त्यस्तै ट्रष्टले नगर तथा वडा स्तरिय विपद व्यवस्थापन योजना समेत निर्माण गरेर नगरपालिकालाई हस्तान्तरण गरेको छ । नगरपालिकाका विभिन्न वडामा खानेपानी योजना लगायतका भौतिक…

जाजरकोट । भेरी नगरपालिकाले भूकम्पपछि सहयोग गर्ने विभिन्न संघ संस्था तथा व्यक्तिलाई सम्मान गरेको छ । जाजरकोटको रामिडाँडा केन्द्रविन्दु बनाएर गत कात्तिक १७ गते गएको भूकम्पपछि उद्धार, राहत र पुनर्निर्माणमा आ-आफ्नो क्षेत्रबाट सहयोग पुर्याउने ९५ वटा संस्था तथा व्यक्तिलाई नगरपालिकाले सम्मान गरेको हो । भूकम्पपछि नगरपालिका भित्र योगदान पुर्याउने कर्णाली आवाज सहित जिल्लामा क्रियाशिल मिडिया, संस्था तथा व्यक्तिलाई प्रमाणपत्र सहित सम्मान गरिएको छ । अप्ठ्यारो परिस्थितिमा सहयोग गरेर अतुलनीय योगदान पुर्याउनु भएको छ, सम्मान कार्यक्रममा बोल्दै नगरप्रमुख सिपी घर्तीले भने 'उहाँहरुको सहयोगको उच्च मुल्यांकन गर्दै यो सम्मान गरेका छौं ।' भूकम्प पछिको बाकी काम संगै विभिन्न समयमा आइपर्ने अन्य संकटहरुमा…

सुर्खेत । अनेरास्ववियु कर्णाली प्रदेश कमिटीले वक्तृत्वकला र हाजिरी जवाफ प्रतियोगिताको आयोजना गर्ने भएको छ । रुकुमका पार्टी संस्थापक नेता यदु गौतमको स्मृति दिवसका अवसरमा अनेरास्ववियु कर्णाली प्रदेश कमिटीले प्रदेश स्तरिय वक्तृत्वकला तथा मावि स्तरिय हाजिरी जवाफ प्रतियोगिता संचालन गर्ने भएको हो । २५ औं यदु स्मृति दिवसको अवसरमा भोलि (२१ फाल्गुन) चौरजहारी नगरपालिकाको खोलागाउँमा हाजिरी जवाफ र वक्तृत्वकला प्रतियोगिताको आयोजना गर्न लागिएको अनेरास्ववियु कर्णाली प्रदेश कमिटी अध्यक्ष राजेश ओलीले जानकारी दिए । अध्यक्ष ओलीका अनुसार शिक्षित जनशक्ति विदेश पलायनबाट रोक्न राज्यले चाल्नुपर्ने कदमहरु शिर्षकमा प्रदेश स्तरिय वक्तृत्वकला प्रतियोगिता राखिएको छ । त्यस्तै उउटा समुहमा ३ जना सहभागि हुनेगरी मावि…

जाजरकोट । नेकपा (माओवादी केन्द्र) निकट विद्यार्थी संगठन अनेरास्ववियू (क्रान्तिकारी) जाजरकोटको अध्यक्षमा प्रदिप शर्मा चयन भएका छन । छेडागाड नगरपालिकाको थलह बजारमा मंगलबार सम्पन्न २० औं जिल्ला सम्मेलनले शर्माको अध्यक्षतामा ३५ सदस्यीय नयाँ समिति सर्वसम्मत चयन गरेको हो । उपाध्यक्षमा लाल बहादुर परियार, विनोद योगी र गणेश पहाडी तथा सचिव पूर्ण बहादुर थापा चयन भएका छन । त्यसैगरी सहसचिव गोविन्द शाही, धन बहादुर शाही र कल्पना शाही तथा कोषाध्यक्षमा चेतना गौतम चएन भएकी छन । सम्मेलनले संगठनको कार्यालय सचिवमा उन्नति विकलाई चयन गरेको अखिल क्रान्तिकारीले जनाएको छ ।

सुर्खेत । कर्णाली प्रदेशको खेतीयोग्य जमिनमध्ये २९ प्रतिशत जमिनमा मात्रै सिँचाइ सुविधा पुगेको छ । अझै ७१ प्रतिशत क्षेत्रफलमा सिँचाइ सुविधा नपुगेको पाइएको छ । राष्ट्रिय कृषि गणना २०७८ अनुसार २९ प्रतिशत जमिनमा मात्रै सिँचाइ सुविधा पुग्दा ७१ प्रतिशत खेतीयोग्य जमिनमा सिँचाइ सुविधा पुग्न नसकेको हो । प्रदेशका ५७ प्रतिशत किसानको पहुँचमा सिँचाइ सुविधा पुगेको तथ्याङ्क कार्यालयले जनाएको छ । कर्णालीमा एक लाख २३ हजार ६ सय ६२ हेक्टर क्षेत्रफल जमिनमा खेती हुँदै आएको तथ्याङ्कमा जनाइएको छ जसमध्ये २९ हजार दुई सय ४१ हेक्टर क्षेत्रफलमा धान, ४० हजार ८३ हेक्टर क्षेत्रफलमा मकै, ५१ हजार २६ हेक्टर क्षेत्रफलमा गहुँ, तीन हजार…

काठमाडौं । सरकारले 'जाजरकोट भूकम्प' बाट प्रभावित स्थानीय तहहरुलाई विपद संकटग्रस्त क्षेत्र घोषणा गर्ने निर्णय गरेको छ । प्रधानमन्त्री तथा मन्त्रिपरिषद्को कार्यालय सिंहदरबारमा सोमबार बसेको मन्त्रिपरिषद् बैठकले गत कात्तिक १७ गतेको भूकम्पबाट प्रभावित जाजरकोट र रुकुम पश्चिमका प्रभावित स्थानीय तहलाई विपद संकटग्रस्त क्षेत्र घोषणा गर्ने निर्णय गरेको हो । सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले भनिन्, ‘कात्तिक १७ गते जाजरकोटलाई केन्द्रविन्दु बनाएर भूकम्प गएको थियो, त्यस भूकम्पबाट क्षतिग्रस्त गाउँपालिकालाई विपद् संकटग्रस्त क्षेत्र घोषणा गर्ने निर्णय भएको छ ।’ उनका अनुसार मन्त्रिपरिषद् बैठकले भरतपुर महानगरपालिकाका प्रमुख रेणु दाहाललाई इन्टरनेशनल मेयर अवार्ड ग्रहण गर्न स्वीकृति दिने निर्णय पनि गरेको…

रूकुम पश्चिम । रूकुम पश्चिमको प्रभु बैंकका एक कर्मचारीले हिनामिना गरेकोमध्ये झन्डै ७० लाख रकम बैंकले फिर्ता गरेको छ । बैंकको आठबिसकोट शाखाका अपरेसन इञ्चार्ज निरजविक्रम शाहले हिनामिना गरेकोमध्ये ७० लाख जति रकम सम्बन्धित व्यक्तिलाई फिर्ता गरेको बैंकका कर्णाली प्रदेश कार्यालय इञ्चार्ज शरद तिमिल्सिनाले बताए । ‘हामीले प्रारम्भिक अनुसन्धान गर्दा पीडित देखिन आएका १४ जनाको ७० लाख जति रकम बैंकले फिर्ता गरिरहेको छ,’ तिमिल्सिनाले भने, ‘अब हामीकहाँ रेकर्ड रहेका थप पीडितको विवरण उपलब्ध छैन अब थप निवेदन आए भने हेरौंला के हुन्छ।’ आठबिसकोट शाखाका अपरेसन इञ्चार्ज शाहले अन्य केही स्थानीयसँग रकम जम्मा गरिदिने भन्दै व्यक्तिगत रूपमा लिएको भनिएको पैसाबारे बैंक…