भेरी ज्ञानोदयमा स्ववियुको बेइमानी : राहत रकम कार्यकक्ष निर्माणमा खर्च

जाजरकोट । जाजरकोटको भेरी ज्ञानोदय क्याम्पसको स्वतन्त्र विद्यार्थी युनियन (स्ववियु) ले विद्यार्थीलाई आएको राहत रकममा बेइमानी गरेको पाइएको छ । गत कात्तिक १७ गते जिल्लाको रामीडाँडा केन्द्रविन्दु बनाएर गएको भूकम्पबाट प्रभावित भएका विद्यार्थीहरुका लागि जिपि कोइराला मेमोरियल क्लेज काठ्माडौंंले पठाएको राहत रकम स्ववियुले अनेत्रै खर्च गरेको पाइएको हो । क्याम्पसमा अध्ययनरत भूकम्प पीडित विद्यार्थीका लागि आएको ५ लाख राहत रकम स्ववियुले आफ्नो कार्यकक्ष निर्माणमा खर्च गरेको भेटिएको छ । भूकम्प गएको ७ महिना बितिसक्दा पनि क्याम्पसले राहत रकमको विषयमा चासो नदेखाएपछि भूकम्प प्रभावित विद्यार्थीले उक्त राहत रकममा प्रश्न उठाएका छन । स्ववियु अध्यक्ष प्रकाश सिंहले भने उक्त रकम राहत नभइ…

बारेकोट । जिल्लाको बारेकोट गाउँपालिकाका सामुदायिक वनमा क्यामेरा जडानको काम सम्पन्न गरिएको छ । गाउँपालिका भित्रका वडा नं. ३ मा रहेको फुलवारी खाली सामुदायिक वन र वडा नं. ४ स्थित ढोटाचौर सामुदायिक वनमा क्यामेरा जडान गरिएको थियो । गत असार २० गते देखि जडान गरिएको क्यामेरामा रेडपाण्डाको वासस्थान रहेको ठाउँमा अन्य स्तानधारी वन्यजन्तुको पहिचान गर्न क्यामेरा जडान गरिएको थियो । रेडपाण्डा नेटवर्क र डाँफे यूवा क्लवको साझेदारीमा सञ्चालित पश्चिम नेपालमा सामुदायमा आधारित हाब्रे संरक्षण कार्यक्रम अन्तर्गत बारेकोट गाउँपालिका र डिभिजन वन कार्यालय जाजरकोटको सहकार्यमा क्यामेरा जडान गरिएको डाँफे यूवा क्लव जाजरकोटका कार्यक्रम संयोजक भुपलाल केसीले जानकारी दिए । पश्चिम नेपालको…

सुर्खेत । कर्णाली प्रदेशका मुख्यमन्त्री यामलाल कँडेलले विश्वासको मत पाएका छन । बिहिबारको प्रदेश सभामा मुख्यमन्त्री कँडेलले २३ मत प्राप्त गरेका छन । कुल ४० सदस्यीय प्रदेश सभामा आज ३५ सांसद उपस्थित थिए । जसमध्ये विश्वासको मतको पक्षमा २३, विपक्षमा ११ र १ मत तटस्थमा परेको छ । कर्णाली प्रदेश सभामा नेपाली कांग्रेसका १४, नेकपा माओवादी केन्द्रका १३, नेकपा एमालेका १० जना सांसद छन । यसैगरी राप्रपा, एकीकृत समाजवादीका एकएक र स्वतन्त्र एक सांसद छन् । कँडेल चैत २७ गते मुख्यमन्त्री नियुक्त भएका थिए ।

जाजरकोट । जाजरकोटका ३ जना पत्रकारलाई लोकेन्द्र शाह पत्रकारिता पुरस्कार प्रदान गरिएको छ । स्वर्गिय पत्रकार लोकेन्द्र शाहको नाममा नेपाल पत्रकार महासंघ, जाजरकोट शाखाले स्थापना गरेको उक्त पुरस्कार पत्रकार सरोज वली सहित तीन जनालाई प्रदान गरिएको हो । नेपाल पत्रकार महासंघ, जाजरकोट शाखाको ७ औं अधिवेशन तथा १२ औं साधारण सभामा पत्रकार वली सहित दिपेन्द्र शर्मा र राजु कुमार शाक्यलाई नगद सहित पुरस्कृत गरिएको हो । प्रत्येक वर्ष १ जनालाई प्रदान गरिने उक्त पुरस्कार वर्तमान कार्यसमितिको ३ वर्षिय कार्यकालमा एकैपटक ३ जनालाई पुरस्कृत गरिएको महासंघ जाजरकोटका सचिव एवम् पुरस्कार छनौट समितिका संयोजक भरत कुमार शर्माले बताए । संयोजक शर्माका अनुसार…

कैलाली । नेकपा एकीकृत समाजवादीले सुदूरपश्चिमको मुख्यमन्त्रीका लागि नागरिक उन्मुक्ति पार्टी (नाउपा) का लक्ष्मणकिशोर चौधरीलाई दिएको समर्थन फिर्ता लिएको छ । नेकपा एकीकृत समाजवादी सुदूरपश्चिम संसदीय दलका नेता दीर्घ सोडारीले मंगलबार प्रदेश प्रमुख नाजिर मियाँलाई भेटेर समर्थन फिर्ता लिएको पत्र बुझाएका हुन् । योसँगै मुख्यमन्त्री नियुक्तिका लागि कोर्स परिवर्तन हुने भएको छ । यसअघि कांग्रेसका कमल शाहले राजीनामा दिएपछि प्रदेश प्रमुख मियाँले १० दिनको समय दिएर दलहरूलाई मुख्यमन्त्रीका लागि दाबी पेस गर्न भनेका थिए । उक्त समयमा कांग्रेसको समर्थनमा नागरिक उन्मुक्ति पार्टीका लक्ष्मणकिशोर चौधरी र एमाले माओवादीको समर्थनमा सोही पार्टीका कैलाश चौधरीले मुख्यमन्त्रीमा दाबी पेस गरेका थिए । - रातोपाटी 

जाजरकोट । भेरी नदीमा नुहाउने क्रममा डुबेर बेपत्ता भएका जाजरकोटको शिवालय गाउँपालिका - ३ का कमल बुढाको शव फेला परेको छ । गत चैत २९ गते दिउँसो १ बजे रुकुम पश्चिमको चौरजहारी नगरपालिकामा ३ टाँटागाउँ स्थित भेरी नदिमा नुहाउने क्रममा बेपत्ता भएका बुढाको शव आइतवार फेला परेको हो । बुढाको शव बेपत्ता भएको ठाउँबाट ५० मिटर तल भेरी नगरपालिका - १२ बारेला भन्ने स्थानको भेरी नदीको बिच भागमा फेला परेको जिल्ला प्रहरी कार्यालय जाजरकोटका सूचना अधिकारी माधव विश्वकर्माले बताए । उनी चौरजहारी नगरपालिका - ३ मा निर्माणधिन अस्पतालको काम गर्दै आएका थिए ।

मेरो बस्तिमा सधै हुरी आउँछ, टहरा लिएर राजधानी सम्म जान्छ, तिमिलाइ यो भन्दा अरु के सुनाउ बेला(बेलामा पीडा थपेर भूकम्प जान्छ । नयाँ बर्ष फेरिनु अब तिमि फेरिनु मेरो लागि कुनै नौलो कुरा होइन, मैले खुसी मनाउनु पर्ने कुरा त जीन्दगी भर दुख हेर्दा हेर्दै उमङ्ग जान्छ । हरेक दिन, हरेक रात पासपोर्ट समाएर, झण्डा ओढेर बेरोजगार सन्तान, यहि आकाशको बाटो हुँदै गुलामी गर्न अर्काको देश सङ्ग जान्छ । जस्ले सरकारको विषयमा आलोचना गर्दै, आवाज उठाउँछ सडकमा, बरु बन्दुक चलाएर गोली फाल्दिनुहोस तपाईको लागि दुर्गन्ध जान्छ । - पुष्कर पराग चन्द भेरी नगरपालिका ५, जाजरकोट

छ न त उसँग मेरो बच्चै देखिको चिनजान छ, अथाह प्यार छ, अक्सर न कुनै नाता लाग्छ, न त मेरै हो भन्ने पनि अधिकार छ । अरे यार, यो दुनियाँमा बारम्बार सराब पिएर पागल हुनु भन्दा, बरु कस्तो हुदो रहेछ जहरको स्वाद, एकपटक चाख्ने बिचार छ । किन मरिहत्ते गर्छ्यौ मबाट छुटिनलाई, भोली पछुताउनु पर्ला, बिडम्बना तिम्रो अगाडी हेर्दा भिर छ, पछि फर्किदा जङ्घार छ । माथी सम्म पहुँचमा मेरा आफन्त छन, भनेर के गर्नु यो शहरमा, डिग्री पास गरेको एउटा सन्तान अझै पनि गाउँमा बेरोजगार छ ।। - पुष्कर पराग चन्द भेरी नगरपालिका ५, छिप्रेना जाजरकोट

जाजरकोट । जाजरकोटमा ६ दिनदेखि हराएका एक युवक मृत अवस्थामा भेटिएका छन । चैत्र २५ गतेदेखि एकासी बेपत्ता भएका भेरी नगरपालिका ४ बोहरागाउँका सुनिल आचार्य खलंगाबाट बोहरा जाने बाटोको बिचमा पर्ने खहरेखोलाको भिरमा आज मृत अवस्थामा भेटिएका हुन । आइएमई लाइफ इन्स्योरेन्स कम्पनि लिमिटेड जाजरकाटको शाखा प्रमुख पदमा कार्यरत आचार्य २५ गते बेलुका घरबाट निस्केका थिए । मोटरसाइकल र मोबाइल समेत घरमै छोडेर कसैलाई जानकारी नगराएर निस्केका आचार्य सडकदेखि करीब २ सय मिटर तल भिरमा मृत अवस्थामा भेटिएका हुन । प्रहरीले उनको भिरबाट लडेर मृत्यु भएको अनुमान गरेको छ ।  कार्यालयको काममा निस्केको होला भन्ने ठानेर २/३ दिन पर्खेको र त्यसपछि…